ყაზახეთის პროფკავშირების თავმჯდომარე სატიბალდი დაულეტალინი საქართველოს პროფესიული კავშირების გაერთიანების თავმჯდომარეს, ირაკლი პეტრიაშვილს პროფკავშირების საერთაშორისო კონფედერაციის ვიცე-პრეზიდენტად და აღმასრულებელი კომიტეტის ტიტულოვან წევრად არჩევას ულოცავს.

სატიბალდი პეტრიაშვილს ყაზახეთის მსოფლიო პროფკავშირების ფედერაციის წევრობის აღდგენაში დახმარებისთვის კიდევ ერთხელ უხდის მადლობას და პარტნიორული ურთიერთობის გაღრმავების სურვილს გამოთქვამს.

„პატივცემულო ძმაო ირაკლი! ყაზახეთის პროფკავშირების ფედერაციისა და ჩემი სახელით, ნება მომეცით მოგილოცოთ პროფესიული კავშირების საერთაშორისო კონფედერაციის ვიცე-პრეზიდენტად და აღმასრულებელი კომიტეტის ტიტულოვან წევრად არჩევა და ასევე, გამოვხატო გულწრფელი მადლიერება თქვენი მხარდაჭერისა და დახმარებისთვის, პროფკავშირების საერთაშორისო კონფედერაციაში (ITUC) ყაზახეთის რესპუბლიკის პროფკავშირების ფედერაციის წევრობის აღდგენაში. მადლობა გაგების, სოლიდარობისა და ერთიანობისთვის მშრომელი ხალხის დაცვის საქმეში.

ძალიან ვაფასებთ ჩვენს შორის დამყარებულ პარტნიორულ ურთიერთობას და ველით შემდგომ ნაყოფიერ თანამშრომლობას ჩვენს ქვეყნებში პროფკავშირული მოძრაობის განვითარების სასარგებლოდ.

ჩვენი საერთო მიზანია უზრუნველყოფილი იყოს ღირსეული შრომა, სოციალური სამართლიანობა დასაქმებულებისთვის და ჩვენ, საერთაშორისო პროფკავშირულ მოძრაობასთან ერთად, ყველა ღონეს ვიხმართ მის მისაღწევად.

გისურვებთ წარმატებებს თქვენს საქმიანობაში და დასახული მიზნების მიღწევას მშრომელი ადამიანების დასაცავად“ – ნათქვამია ყაზახეთის პროფკავშირების თავმჯდომარის, სატიბალდი დაულეტალინის მიერ გამოგზავნილ  წერილში.