თურქეთის პროგრესული პროფკავშირების კონფედერაციის გენერალურ ასამბლეაზე საქართველოს პროფკავშირების გაერთიანების ლიდერებმა დასაქმებულთა გამოწვევებზე იმსჯელეს

სტამბულში, თურქეთის პროგრესული პროფკავშირების კონფედერაციის „DISK”-ის მე-17 გენერალური ასამბლეა გაიხსნა.

ასამბლეაში სპეციალური მიწვევით მონაწილეობენ  საქართველოს პროფესიული კავშირების გაერთიანების თავმჯდომარე – ირაკლი პეტრიაშვილი და მოადგილე – თამარ სურმავა.

კონფერენციაზე,  პროფკავშირელმა  ლიდერებმა იმ ძირითად  გამოწვევებზე ისაუბრეს,  რომლის წინაშეც მშრომელები დგანან როგორც საქართველოში, ასევე, სხვადასხვა ქვეყნებში.

ვიზიტის ფარგლებში, ასევე, გაერთიანების  თავმჯდომარე თურქეთში მოქმედ შოთა რუსთაველის ასოციაციის პრეზიდენტსა და წარმომადგენლებს შეხვდა, სადაც ქართული დიასპორის საჭიროებები განიხილეს.