გერმანიაში გაფიცული სატვირთო მანქანების მძღოლების ინტერესებს პროფკავშირები იცავს

გერმანიაში გაფიცული სატვირთო მანქანების მძღოლების ინტერესებს პროფკავშირები იცავს

30 / 03 / 2023

მძიმე სამუშაო პირობები, სტრესი, აუღებელი ხელფასები საკუთარი სამშობლოდან შორს – გერმანიაში გაფიცულმა სატვირთო მანქანების მძღოლებმა დახმარებისთვის საქართველოში, პროფკავშირების გაერთიანებას მოგვმართეს.
200-მდე დასაქმებული ღამეებს მეორე კვირაა ტრაილერში ატარებს. გაფიცულები ყვებიან, რომ ერთმანეთისთვის საკვების ფულის გაზიარება უწევთ, რადგან რამდენიმე თვეა უხელფასოდ არიან, დამსაქმებელი კი მათთან კონტაქტზე არ გადის. როგორც აღმოჩნდა, ანალოგიურ პირობებში იმყოფებიან იტალიაში დასაქმებულებიც, რომლებიც საკუთარი ტრაილერებით გერმანიაში ჩავიდნენ და გაფიცვას შეუერთდნენ.
პროფკავშირების გაერთიანებამ, ჩვენს ხელთ არსებული ბერკეტები გამოვიყენეთ. დახმარებისთვის მივმართეთ და საქმეში ჩაერთო გერმანიისა და ჰოლანდიის პროფკავშირები. ასევე,  საქმის კურსში ჩავაყენეთ მედია და ჩავრთეთ, ტრანსპორტის მუშაკთა საერთაშორისო ფედერაციის (ITF) საგზაო ტრანსპორტის ზედამხედველობის ფონდი.
მათი წარმომადგენლები ადგილზე სიტუაციის შესაფასებლად მივიდნენ, სამართლებრივი უფლებების დასაცავად, პარტნიორ ორგანიზაციებთან ერთად საქართველოს პროფკავშირების გაერთიანებამ შესაბამისი მინდობილობები გააკეთა და აქტივობები დაიწყო.
მას შემდეგ რაც, საქმეში სხვა და სხვა ქვეყნის პროფკავშირი ჩაერთო , დღეს პირველად გამოჩნდა ადგილზე დამსაქმებელი, რომელიც ტრაილერის მძღოლებს კუთვნილი ხელფასების ანაზღაურებას სიტყვიერად დაპირდა, დასაქმებულები დამსაქმებლის სიტყვას არ ენდობიან და გაფიცვას მხოლოდ ნამუშევარი ხელფასების აღების შემთხვევაში შეწყვეტენ.
საქართველოს პროფესიული კავშირების გაერთიანება მადლობას ვუხდით პარტნიორ ორგანიზაციებს სოლიდარობისა და დახმარებისთვის!
print
ახალი ამბები, სიახლეები

© 2023 Georgian Trade Unions Confederation