პროფესიული კავშირების გაერთიანების (GTUC) ორგანიზებითა და ამერიკის სოლიდარობის ცენტრის (AFL CIO) მხარდაჭერით, 2023 წლის 21-22 იანვარს, ბაკურიანში, ჩატარდა ორდღიანი სემინარი თემაზე: „სოციალური დიალოგი და შრომითი ურთიერთობები“.
სემინარში მონაწილეობა მიიღეს საქართველოს პროფესიული კავშირების გაერთიანების წევრი ორგანიზაციების წარმომადგენლებმა, კერძოდ:
- აგრარულ მეურნეობაში, ვაჭრობასა და მრეწველობაში დასაქმებულთა პროფესიული კავშირი;
- ენერგეტიკის მუშაკთა პროფესიული კავშირი;
- მშენებელთა და ტყის მუშაკთა პროფესიული კავშირი;
- ნავთობისა და გაზის მრეწველობის მუშაკთა პროფესიული კავშირი;
- თბილისის მეტროპოლიტენის მუშაკთა პროფესიული კავშირი;
- ტრანსპორტისა და გზების მუშაკთა პროფესიული კავშირი;
- საჯარო მოსამსახურეთა პროფესიული კავშირი;
- ცხინვალის სამხარეო პროფკავშირების ცენტრი;
- ხელოვნების, მასმედიისა და კულტ-საგანმანათლებლო დაწესებულებებში, სპორტის და ტურიზმის მუშაკთა პროფესიული კავშირი.
ასევე, შეხვედრაში მონაწილეობდნენ გერმანიაში, სტუდენტური დასაქმების ფარგლებში დასაქმებული სტუდენტები.
სემინარს უძღვებოდნენ პროფესიული კავშირების გაერთიანების თავმჯდომარის მოადგილეები: რაისა ლიპარტელიანი და თამარ სურმავა, ამერიკის სოლიდარობის ცენტრის თანაშემწე სამართლებრივ საკითხებში – ნათია გველესიანი; ამერიკის სოლიდარობის ცენტრის მონიტორინგისა და შეფასების ოფიცერი – ია ყაყიჩაშვილი, საქართველოს პროფესიული კავშირების გაერთიანების იურისტი – სერგო მახარაძე და საქართველოს პროფესიული კავშირების გაერთიანების საორგანიზაციო დეპარტამენტის სპეციალისტი – ია შერაზადიშვილი.
შეხვედრაზე განხილულ იქნა:
- შრომითი კანონმდებლობა, უახლესი ცვლილებები;
- სოციალური დიალოგის არსი და მიზანი შრომით ურთიერთობებში, სოციალური დიალოგის პლატფორმები და პრაქტიკა;
- სექსიზმი და მისი გამოვლენის ფორმები შრომით ურთიერთობებში;
- კოლექტიური მოლაპარაკებები პრაქტიკაში;
- უფლების დაცვის მექანიზმები.
