პროფკავშირების გაერთიანების ორგანიზებითა და ამერიკის სოლიდარობის ცენტრის მხარდაჭერით, უკრაინულ სახლში, პროფკავშირების გაერთიანების თავმჯდომარის მოადგილემ საქართველოში მცხოვრებ უკრაინელებთან შეხვედრა გამართა.
შეხვედრის მონაწილეები დაინტერესებულები იყვნენ საქართველოს შრომის კოდექსით და იმ უფლებებით, რომელიც მათ გააჩნიათ შრომითი ურთიერთობების დროს.
რაისა ლიპარტელიანმა სემინარის მონაწილეებთან ისაუბრა ყველა იმ მნიშვნელოვან საკითხზე, რაც შრომით ურთიერთობას ახლავს თან, მაგალითად: შრომით მიგრაციაზე, შრომით ხელშეკრულებაზე, ზეგანაკვეთურ შრომაზე და ტარიფებზე, კანონმდებლობაზე, სტანდარტებზე, შრომის უსაფრთხოებაზე, როგორ უნდა მოიქცნენ, თუ მათი უფლებები ირღვევა ან დამსაქმებელი სამსახურიდან უკანონოდ გაათავისუფლებს.
შეხვედრამ აქტიურ რეჟიმში ჩაიარა. დამსწრეებს ამომწურავი ინფორმაცია მიეწოდათ მათ მიერ დასმულ შეკითხვებზე და დაურიგდათ პროფკავშირების გაერთიანების მიერ მომზადებული საინფორმაციო წიგნები.
მეტი ფოტო:
