მშრომელთა საერთაშორისო სოლიდარობის დღეს, ღირსეული მინიმალური ხელფასის, სოციალური დიალოგის გზით პროგრესული გადასახადების დადგენისა და 1 მაისის უქმე დღედ გამოცხადების მოთხოვნით, პროფკავშირების გაერთიანების მასშტაბური აქცია გაიმართა.

წელს, საქართველოს პროფკავშირების მიერ ორგანიზებულ დემონსტრაციას პროფკავშირელი ლიდერები მსოფლიოს სხვადასხვა ქვეყნიდან და ქართველი დასაქმებულები ქვეყნის სხვადასხვა რეგიონებიდან შემოუერთდნენ.

რესპუბლიკის მოედნიდან პარლამენტისკენ გაიმართა მსვლელობა.

აქცია პროფკავშირების გაერთიანების თავმჯდომარემ გახსნა. მან იმ მიღწევებსა და გამოწვევებზე ისაუბრა, რაც დასაქმებულ ადამიანებს აწუხებთ ქვეყნისა და მსოფლიოს მასშტაბით. საზოგადოებას გააცნო მანიფესტი, რომელიც საქართველოს პრემიერ-მინისტრსა და პარლამენტს გადაეგზავნა.

გამომსვლელებმა ისაუბრეს იმ გამოწვევებზე, რაც მათ სექტორების მიხედვით აქვთ.

წელს, საქართველოს პროფკავშირების გაერთიანების ერთ-ერთი მთავარი მოთხოვნა ღირსეული მინიმალური ხელფასის სტანდარტის დაწესებაა.

ქვეყანაში მინიმალური ხელფასი ჯერ კიდევ 20 ლარია. შემოსავლების სამსახურის თებერვლის თვის მონაცემებით, 131 841 ადამიანს 500 ლარზე ნაკლები ხელფასი აქვს! 277 მდიდარს კი – თვეში საშუალოდ, 100,000 ლარზე მეტი ხელფასი!

სოციალური უთანასწორობით გამოწვეული უსამართლობა უკეთესი მომავლისთვის ბრძოლას  ყოველდღიურად გვაიძულებს.

პროფკავშირები ითხოვს, დაწესდეს ღირსეული მინიმალური ხელფასის სტანდარტი, საშუალო ხელფასის მინიმუმ  40 %, რაც დღეის მდგომარეობით 636 ლარს შეადგენს!

ასევე, აუცილებელია პროგრესული გადასახადების დაწესება, რათა სხვადასხვა შემოსავლის მქონე ადამიანებს საშემოსავლო გადასახადი სხვადასხვა ოდენობით, შემოსავლების მიხედვით დაებეგროთ და შესაბამისად, ქვეყანაში შემოსავლების სამართლიანი გადანაწილება მოხდეს. რათა არ გაიზარდოს უფსკრული, რაც ქვეყნის შიდა და გარე საფრთხეების გათვალისწინებით, ჩვენი ქვეყნისთვის კრიტიკულად მნიშვნელოვანია.

გამოწვევებთან გასამკლავებლად განსაკუთრებული მნიშვნელობა აქვს საზოგადოებაში სოლიდარობისა და სამართლიანობის განცდის ჩამოყალიბებას. გადაუდებლად აუცილებელია: