მსოფლიო პროფკავშირების გენერალურ მდივნად ლუკა ვისენტინი აირჩიეს. პროფკავშირების საერთაშორისო კოფედერაციის ახალ ხელმძღვანელს დელეგატებმა ნდობა 4 წლის ვადით გამოუცხადეს. მან აღნიშნულ თანამდებობაზე შეცვალა შარან ბაროუ, რომელიც პოსტს 3 ვადით გაუძღვა.
ვისენტინი ამ დრომდე ევროპის პროფკავშირების (ETUC) გენერალური მდივანი გახლდათ. მისი კანდიდატურა პროფკავშირების გაერთიანების თავმჯდომარემ წარადგინა. ირაკლი პეტრიაშვილი საარჩევნო კამპანიაში აქტიურად იყო ჩართული.
„ეს იყო დემოკრატიის კლასიკური მაგალითი, როგორ უნდა აირჩიო ახალი ლიდერები. ახლებმა როგორ უნდა დააფასონ ის, რაც ჰქონდათ მათ წინამორბედებს გაკეთებული და როგორ უნდა გაუძლონ მათთან ერთად იმ გამოწვვებს, რაც მსოფლიოში დასაქმებულ ადამიანებს აქვთ. ჩვენ გვყავს ახალი გენერალური მდივანი , ახალი ლიდერი. ბედნიერი ვარ, რომ მის კამპანიაში, წარდგენაში, არჩევაში საქართველოს პროფკავშირებმა და პირადად მე, დიდი წვლილი შევიტანეთ. ვულოცავ ლუკა ვისენტინის და მადლობას ვუხდი შარან ბაროუს გაწეული მუშაობისთვის“ – განაცხადა ირაკლი პეტრიაშვილმა.
კონგრესმა ასევე აირჩია: პრეზიდენტი, ვიცე-პრეზიდენტები და გენერალური მდივნის მოადგილეები.
საქართველოს პროფესიული კავშირების გაერთიანება ულოცავს ლუკა ვისენტინის არჩევნებში გამარჯვებას და ახალ თანამდებობაზე წარმატებებს უსურვებს.
ვიდეო: https://www.facebook.com/gtuc.ge/videos/1751119745287914
