ორსულობის გამო სამსახურიდან გათავისუფლებული ანა კალანდაძის საქმე – პროფკავშირებმა შპს „თბილისი ინნ“-ს სასამართლო დავა მოუგო

„გამომიშვა სამსახურიდან მაშინ, როდესაც ყველაზე მეტად მჭირდებოდა ფინანსები“  – ორსულობის გამო სამსახურიდან გათავისუფლებული ანა კალანდაძის ამბავი და ჩვენი ორგანიზაციის მიერ მოგებული კიდევ ერთი ძალიან მნიშვნელოვანი საქმე.

დისკრიმინაციულ ნიადაგზე გათავისუფლებული ანა კალანდაძის ინტერესებს სასამართლოში პროფკავშირების გაერთიანების იურისტი თამილა გაბაიძე იცავდა.

თბილისის საქალაქო სასამართლომ ანა კალანდაძის სამსახურიდან გათავისუფლება უკანონოდ ცნო და შპს „თბილისი ინნ“-ს მისი სასტუმროს მენეჯერის პოზიციაზე აღდგენა დაავალა. „თბილისი ინნ“-ს, ასევე,  შრომითი ხელშეკრულების ვადის ამოწურვამდე განაცდურის და ანა კალანდაძისთვის მორალური ზიანის ანაზღაურებაც დაეკისრა.

როგორ არიდებს თავს დამსაქმებელი სასამართლო გადაწყვეტილების აღსრულებას და რა ბერკეტები არსებობს იმისთვის, რომ ჩვენი ორგანიზაციის მიერ დაცული დასაქმებულის უფლებები აღდგეს, იხილეთ სიუჟეტში