პროფკავშირებისადმი კრიტიკულად განწყობილი „აირაის“ კვლევის მიხედვითაც კი, საზოგადოება წელს უფრო მეტად ენდობა პროფკავშირებს, იცნობს მის საქმიანობას და პოზიტიური დამოკიდებულება აქვს ორგანიზაციის მიმართ

„აირაის“ კვლევის მიხედვით, პროფკავშირების საქმიანობას საზოგადოების 26% დადებითად აფასებს, რაც წინა წელთან შედარებით საგრძნობლად გაზრდილი მაჩვენებელია.

მიუხედავად ამ ინსტიტუტის მიმართ არსებული უნდობლობისა, მათ კვლევაშიც კი პროფკავშირების საქმინაობის მიმართ იკვეთება ცნობადობისა და სანდოობის მზარდი დადებითი ტენდენცია და რომ გაერთიანების დავმჯდომარის მიერ გამოცხადებული რეფომრების კურსი, კომუნიკაციის გაუმჯობესებასა და პროფკავშირულ საქმიანობასთან დაკავშირებით ცნობიერების ამაღლება მნიშვნელოვანი და ორგანიზაციის ნომერ პირველი პრიორიტეტია.

წინა წლის კვლევის მიხედვით, ორგანიზაციის საქმიანობას 16%-იანი სანდოობის მაჩვენებელი ჰქონდა, რაც წელს 10 %-ით გაიზარდა და 26%-ით განისაზღვრა. შემცირებულია პროფკავშირების საქმნიანობისადმი კრიტიკულად განწყობილი ადამიანების რაოდენობაც. კრიტიკულად განწყობილი ადამიანების 2%-ის შეფასება წელს უკვე დადებითში აისახა და 39%-იანმა მაჩვენებელმა 37%-მდე დაიწია. 8%-ით არის გაზრდილი ცნობადობის მაჩვენებელიც. რაც ცხადყოფს, რომ შარშანდელთან შედარებით, გაცილებით მეტმა ადამიანმა შეიტყო პროფკავშირებისა და მისი საქმიანობის შესახებ.

პროფკავშირების გაერთიანების თავმჯდომარის შეფასებით, საზოგადოების ცნობიერების ამაღლებამ და კომუნიკაციის მცირედად გაუმჯობესამ გამოიწვია ის, რომ ორგანიზაციის მიმართ ასე მტრულად განწყობილი ინსტიტუტიც კი ხედავს, პროფკავშირების საქმიანობის შეფასების ნაწილში დადებით 10%-იან ზრდას.

საერთო ჯამში, გამოკითხვა აჩვენებს, წინა წელთან შედარებით, საზოგადოება უფრო მეტად ენდობა პროფკავშირებს, იცნობს მის საქმიანობას და პოზიტიური დამოკიდებულება აქვს ორგანიზაციის მიმართ. პროფკავშირები მომავალშიც გააგრძელებს დასაქმებულთა ინტერესების დაცვასა და საზოგადოების ცნობიერების ამაღლების მიმართულებით მუშაობას.