,,სტრატეგიული კომუნიკაციები პროფკავშირებისთვის კრიზისის დროს და მის ფარგლებს გარეთ” – პროფკავშირების ლიდერებმა და კომუნიკაციის მენეჯერებმა სხვადასხვა ქვეყნიდან, კრიზისების დაძლევის გზებზე იმსჯელეს

ცალკე სესიები მიეძღვნა საქართველოსა და უკრაინის ქეისებს.

კონფერენცია საინტერესოდ, კითხვა-პასუხისა და პრეზენტაციების წარდგენის რეჟიმში წარიმართა.

შრომის საერთაშორისო ორგანიზაცის მშრომელთა აქტივობების ბიუროს კომუნიკაციების და პუბლიკაციების განყოფილების ხელმძღვანელმა, მამადუ კაბა სუარემ, კონფერენციის მონაწილეებს საინტერესო პრაქტიკული სამუშაოები შესთავაზა.

კონფერენციაში, პან-ევროპული რეგიონული საბჭოს აღმასრულებელი მდივანი – ანტონ ლეპიკი, შრომის საერთაშორისო ორგანიზაცის მშრომელთა აქტივობების ბიუროს ევროპის და ცენტრალური აზიის განყოფილების უფროსი – სერგიუს გლოვაცკასი, შრომის საერთაშორისო ორგანიზაცის მშრომელთა აქტივობების ბიუროს აღმოსავლეთ ევროპისა და ცენტრალური აზიის ქვეყნების ოფისის უფროსი სპეციალისტი – გოჩა ალექსანდრია, საქართველოს, უკრაინის, აზერბაიჯანის, სომხეთის, მოლდოვის, უზბეკეთის, ტაჯიკეთის, ყაზახეთის, ყირგიზეთის პროფკავშირული ორგანიზაციების ლიდერები და წარმომადგენლები მონაწილეობდნენ.