პროფკავშირების გაერთიანების საკონფერენციო დარბაზში, ევროკავშირ- საქართველოს სამოქალაქო საზოგადოების პლატფორმის, ევროკავშირის მხარის წარმომადგენლებთან შეხვედრა გაიმართა. მონაწილეებმა, ახალგაზრდების პერსპექტივიდან, საქართველოს ევროკავშირში ინტეგრაციის გამოწვევებზე ისაუბრეს და ის პრობლემები განიხილეს, რომელთაც ახალგაზრდები აწყდებიან სამოქალაქო სივრცეში. მაგალითად: სოციალური სიტუაცია, შრომითი ბაზრის გაუმართაობა და ა.შ .
შეხვედრაზე, ასევე, ევროკავშირში ინტეგრაციის პროცესში ახალგაზრდების ჩართულობის მნიშვნელობაზე გაამახვილეს ყურადღება. კითხვა-პასუხის რეჟიმში, გამოიკვეთა, როგორც პრობლემები, აგრეთვე, მათი გადაჭრის გზები.
შეხვედრას საქართველოს პროფკავშირების, სოლიდარობის ცენტრის, ეკონომიკური და სოციალური კომიტეტის, ევროპის პროფკავშირების კონფედერაციის, აღმოსავლეთ თანამშრომლობის სამოქალაქო საზოგადოების ფორუმის, ევროპის ეკონომიკური და სოციალური კომიტეტის სამდივნოს, ევროპის ბიზნეს ასოციაციის, ადამიანის უფლებათა დაცვის ცენტრისა და სტუდენტური პარლამენტის წარმომადგენლები დაესწრნენ.