შრომის საერთაშორისო ორგანიზაცია პროფკავშირების ლიდერებისთვის სპეციალურ საკომუნიკაციო შეხვედრას ატარებს. შეხვედრა სასტუმრო “ჰოლიდეი ინნ”-ში დღეს გაიხსნა. განიხილება ისეთი მნიშვნელობის თემა როგორიცაა – ნაციონალური აქტივობა საქართველოს პროფესიული კავშირებისთვის.
შეხვედრას უძღვება შრომის საერთაშორისო ორგანიზაციის მშრომელთა აქტივობების ბიუროს კომუნიკაციის და საზოგადოებრივი ინფორმაციის ოფიცერი მამადუ სუარე. პრაქტიკულ ტრენინგს ატარებს პროფკავშირის კომუნიკაციის ექსპერტი ვასილე სიოარიჩი. შეხვედრის მონაწილეებს მისასალმებელი სიტყვით მიმართა პროფკავშირების გაერთიანების თავმჯდომარემ ირაკლი პეტრიაშვილი, რომელმაც აქცენტი პროფკავშირებისა და მათი ლიდერების საზოგადოებასთან კომუნიკაციის მნიშვნელობაზე გააკეთა.
