მიმდინარე წლის 22 -25 ივლისს საქართველოს პროფესიული კავშირების გაერთიანების თავმჯდომარის მოადგილე რაისა ლიპარტელიანი პარტნიორი ორგანიზაციის რეგიონული ინიციატივების ცენტრი “ნათელი მომავალის” ხელმძღვანელ მარიკა ვაჭარაძესთან ერთად იმერეთის მუნიციპალიტეტის ხელმძღვანელ და გენდერული თანასწორობის საკითხებზე პასუხისმგებელ პირებს შეხვდა.
საინფორმაციო შეხვედრები მიზნად ისახავდა იმერეთის მუნიციპალიტეტებთან აქტიურ თანამშრომლობას სამუშაო ადგილებზე გენდერული თანასწორობის პოლიტიკის დანერგვის, ძალადობისა და შევიწროებისგან თავისუფალი სამუშაო გარემოს უზრუნველყოფის მიზნით.
უახლოეს მომავალში იგეგმება ერთობლივი პრაქტიკული ტრენინგი, სადაც იმერეთის სხვადასხვა მუნიციპალიტეტების (სამტრედია, ხონი, ზესტაფონი, თერჯოლა, საჩხერე, ჭიათურა, ტყიბული) წარმომადგენლები იმუშავებენ ანტიდისკრიმინაციული პოლიტიკის დოკუმენტებზე.
შეხვედრები ჩატარდა საქართველო სტრატეგიული კვლევებისა და განვითარების ცენტრის მხარდაჭერით პროექტის “ანტიდისკრიმინაციული პოლიტიკისა და შესაბამისი მექანიზმების ადვოკატირება იმერეთის საჯარო დაწესებულებებში” ფარგლებში.
