სემინარში მონაწილეობდნენ: აფხაზეთის; აგრარულ მეურნეობაში; ვაჭრობისა და მრეწველობის; ენერგეტიკის; კავშირგაბმულობის; თბილისის მეტროპოლიტენის; მეტალურგიული, სამთო და ქიმიური მრეწველობის; მშენებელთა და ტყის; საჯარო მოსამსახურეთა; ბათუმის საზღვაო ნავსადგურის პროფესიული კავშირის პირველად პროფკავშირულ ორგანიზაციებში დასაქმებულები.
სემინარს უძღვებოდნენ: თამარ სურმავა – საქართველოს პროფესიული კავშირების გაერთიანების თავმჯდომარის მოადგილე; სერგო მახარაძე – საქართველოს პროფესიული კავშირების გაერთიანების იურისტი; ქეთი ჩხაიძე – საქართველოს პროფესიული კავშირების გაერთიანების იურისტი; ნათია გველესიანი – ამერიკის სოლიდარობის ცენტრის პროგრამის ოფიცერი.
სემინარს ასევე ესწრებოდნენ: ია ყაყიჩაშვილი ამერიკის სოლიდარობის ცენტრის მონიტორინგისა და შეფასების ოფიცერი; ია შერაზადიშვილი – საქართველოს პროფესიული კავშირების გაერთიანების საორგანიზაციო დეპარტამენტის სპეციალისტი.
შეხვედრაზე განიხილეს ისეთი მნიშვნელოვანი საკითხები, როგორიცაა:
- შრომითი კანონმდებლობა, უახლესი ცვლილებები;
- სოციალური დიალოგის არსი და მიზანი შრომით ურთიერთობებში, სოციალური დიალოგის პლატფორმები და პრაქტიკა;
- კოლექტიური მოლაპარაკებები პრაქტიკაში;
- სექსიზმი და მისი გამოვლენის ფორმები შრომით ურთიერთობებში;
- უფლების დაცვის მექანიზმები.
