2023 წლის 12-13 მარტს, საქართველოს პროფესიული კავშირების გაერთიანების ორგანიზებითა და ამერიკის სოლიდარობის ცენტრის მხარდაჭერით, დაბა ბაკურიანში ჩატარდა ორდღიანი სემინარი თემაზე: „სოციალური დიალოგი და შრომითი ურთიერთობები“.
სემინარს 18 მონაწილე დაესწრო და მასში მონაწილეობა მიიღეს:
- საქართველოს პროფესიული კავშირების გაერთიანების;
- ენერგეტიკის მუშაკთა პროფესიული კავშირის;
- თბილისის მეტროპოლიტენის მუშაკთა პროფესიული კავშირის;
- მეტალურგიული, სამთო და ქიმიური მრეწველობის;
- მედიცინის, ფარმაციისა და სოციალური დაცვის;
- ტრანსპორტისა და გზების მუშაკთა პროფესიული კავშირის;
- საჯარო მოსამსახურეთა პროფესიული კავშირის მუშაკთა პროფესიული კავშირის პირველად პროფკავშირულ ორგანიზაციებში დასაქმებულებმა.
სემინარს უძღვებოდნენ: რაისა ლიპარტელიანი – საქართველოს პროფესიული კავშირების გაერთიანების თავმჯდომარის მოადგილე; თამილა გაბაიძე – საქართველოს პროფესიული კავშირების გაერთიანების იურისტი.
შეხვედრაზე განიხილეს ისეთი მნიშვნელოვანი საკითხები, როგორიცაა:
- შრომითი კანონმდებლობა და უახლესი ცვლილებები;
- სოციალური დიალოგის არსი და მიზანი შრომით ურთიერთობებში, სოციალური დიალოგის პლატფორმები და პრაქტიკა;
- კოლექტიური მოლაპარაკებები პრაქტიკაში და ზეგანაკვეთურად ნამუშევარი საათები;
- უფლების დაცვის მექანიზმები;
- რა პროცედურებია საჭირო მედიაციის დროს;
- მძიმე, მავნე და საშიშპირობებიანი სამუშაოს შესრულების დროს გასათვალისწინებელი შეღავათები.
სემინარის ფარგლებში ჩატარდა ვორქშოფები. მონაწილეები დაიყვნენ 3 ჯგუფად. თითოეულმა წარადგინა პრეზენტაცია.
