IMPAQ International-ის დელეგაცია საქართველოს პროფკავშირების თავმჯდომარეს და გაერთიანების დარგობრივ ლიდერებს შეხვდა. შეხვედრა ამერიკული ორგანიზაციის ინიციატივით გაიმართა. აღსანიშნავია, რომ IMPAQ International ამერიკის შრომის დეპარტამენტის მხარდაჭერით ახალი პროგრამის განხორციელებას იწყებს საქართველოში – რომლის მუშაობის ძირითადი მიმართულება მისივე სახელწოდებაშია ახსნილი – “შრომითი კანონმდებლობის აღსრულების გაძლიერება” .
შეხვედრაზე განიხილეს შრომის უსაფრთხოების მიმართულებით ბოლო პერიოდში პროფკავშირების მიერ ინიცირებული ცვლილებები – რომელიც შრომის უსაფრთხოების კანონში აისახა და ამ ცვლილებების იმპლემენტაციის პრობლემები. ისაუბრეს სამუშაო ადგილებზე უბედური შემთხვევების სტატისტიკაზე. მხარეები შეთანხმდნენ მჭიდრო თანამშრომლობაზე შრომის უსაფრთხოების და შრომითი უფლებების დაცვის მიმართულებით.
