ჩვენ ვდგავართ საქართველოს პროფკავშირების გაერთიანებასთან ერთად და მზად ვართ მხარი დავუჭიროთ ნებისმიერ ევროპულ ინიციატივას, რათა დაცული იქნას ქართველი დასაქმებული პირების უფლებები

იტალიის პროფკავშირები გერმანიაში გაფიცულ ქართველ მძღოლებს სოლიდარობას უცხადებენ.  გთავაზობთ იტალიის პროფკავშირების კონფედერაციის (CISL) საერთაშორისო დეპარტამენტის წარმომადგენლის, ჯუზეპე იულიანოს წერილს სრულად:

„ძვირფასო ირაკლი, მსურს გაცნობოთ, რომ შსო-ს იტალიის ოფისის დირექტორმა (ვინც, თავის მხრივ, ინფორმირებულია საქართველოს საელჩოს მიერ) ინფორმაცია მოგვაწოდა პოლონური კომპანია „ Lukasz Mazur“ – ის მიერ დაქირავებული 35 ქართველი მძღოლის გაფიცვის შესახებ ჩრდილოეთ იტალიაში, ქ. ბოლზანოში. ჩვენ დავინტერესდით ჩვენს ადგილობრივ პროფკავშირებთან ერთად. როგორც მოგეხსენებათ, ვითარება მას შემდეგ დაიძაბა ქ. გრაფენჰაუზენში, რაც პოლონური კომპანიის მფლობელი, დემონსტრანტების წინააღმდეგ ნახევრად სამხედრო მებრძოლებთან ერთად ჩაერია. თუმცა, გერმანულმა პოლიციამ ამ სიტუაციის მოგვარება შეძლო. გვსურს სოლიდარობა გამოვუცხადოთ ქართველ დასაქმებულებს და ვიმედოვნებთ, რომ მათი უფლებები დაცული და აღდგენილი იქნება. იტალიის პროფკავშირების კონფედერაციის წევრების სახელით, ამ რთულ სიტუაციაში, ჩვენ ვდგავართ საქართველოს პროფკავშირების გაერთიანებასთან ერთად და მზად ვართ მხარი დავუჭიროთ ნებისმიერ ევროპულ ინიციატივას, რათა დაცული იქნას ქართველი დასაქმებული პირების უფლებები”.