საქართველოს მედიცინის მუშაკთა პროფესიულმა კავშირმა ,,EPSU”-ს – ევროპის საჯარო მომსამსახურეობის პროფესიული კავშირის და ILO-ს – შრომის საერთაშორისო ორგანიზაციის მხარდაჭერით, 22-23 სექტემბერს  ქ. ბათუმში გამართა კონფერენცია თემაზე: “ბრძოლა ყველას მომავლისთვის ჯანდაცვის სისტემების გაძლიერებით COVID-19 პანდემიის ფონზე”.

ღონისძიების მონაწილეებმა ერთმანეთს კოვიდ-19-თან ბრძოლაში თავიანთი ქვეყნების  გამოცდილება გაუზიარეს. კონფერენციაზე მთელი რიგი საკითხები განიხილეს:

• კოვიდ 19 პანდემიის პერიოდში
• მედპერსონალის მიერ გაწეული შრომის მძიმე და მავნე სამუშაოდ კვალიფიკაცია და  დამატებითი 10 დღიანი შვებულებით სარგებლობით საშუალება
• კოვიდ 19-ით დაინფიცირების პროფესიულ დაავადებად დადგენა და ა.შ.

კონფერენციის მონაწილეებს სიტყვით მიმართა ევროკავშირის წარმომადგენელმა საქართველოში ნინო ყოჩიშვილმა და პროფკავშირების  გაერთიანების თავმჯდომარემ, ირაკლი პეტრიაშვილმა, რომელმაც ისაუბრა დასაქმებულთა უფლებებსა და შრომით პირობებზე, მედპერსონალის სახელფასო ანაზღაურებაზე , განსაკუთრებით ექთნებისთვის და ასევე,  მინიმალური ხელფასის საჭიროებაზე.

კონფერენციას 11 ქვეყნის 25 წარმომადგენელი დაესწრო.