გენდერული ძალადობის წინააღმდეგ 16 დღიანი კამპანიის ფარგლებში, საქართველოს პროფესიული კავშირების გაერთიანებამ ევროპის უნივერსიტეტის სტუდენტებთან შეხვედრა გამართა თემით: „გენდერული თანასწორობა და ქალთა შრომითი უფლებები“.
სემინარი პროფესიული კავშირების გაერთიანების თავმჯდომარის მოადგილემ რაისა ლიპარტელიანმა გახსნა. არაფორმალურ დასაქმებასა და ქალთა უფლებრივ მდგომარეობაზე დისკუსიას პროფკავშირების გაერთიანების იურისტი, თამარ სურმავა გაუძღვა. ხოლო, დისკრიმინაციის არსსა და დისკრიმინაციული მიდგომის აკრძალვის მნიშვნელობაზე ევროპასა და აზიაში მშრომელთა უფლებების დამცველ იურისტთა საერთაშორისო ქსელის რეგიონულმა კოორდინატორმა, თამარ გაბისონიამ ისაუბრა.
მოდერატორების მიერ, განსაკუთრებული აქცენტი გაკეთდა თანასწორობაზე შრომით ურთიერთობებში, ქალთა შრომასთან დაკავშირებულ გამოწევევებზე, დეკრეტული შვეულების პოლიტიკაზე, არაფორმალურ დასაქმებაზე და მასში ჩართულ ქალებზე.
დისკუსია საინტერესოდ, კითხვა-პასუხის რეჟიმში წარიმართა და თემამ დიდი ინტერესი გამოიწვია.
შეხვედრა ჩატარდა პროექტის – „სამართალწარმოება, ადვოკატირება და ცნობიერების ამაღლება შრომით ურთიერთობებში თანასწორობის უზრუნველსაყოფად“ ფარგლებში, პროფკავშირების მიერ USAID Rule of Law Program I USAID სამართლის უზენაესობის პროგრამა–ის ხელშეწყობით.
პროფკავშირების მიერ აღნიშნულ თემაზე კამპანია მომავალშიც გაგრძელდება.
ფოტოები: 
