პროფკავშირების გაერთიანების ხელმძღვანელმა, ირაკლი პეტრიაშვილმა, მოადგილესთან, რაისა ლიპარტელიანთან ერთად, ავსტრიის განვითარების სააგენტოს პროგრამების მენეჯერთან, ბარბარა კონზეტისთან შეხვედრა გამართა.
შეხვედრაზე ავსტრიის პროფკავშირების გაერთიანებასთან ერთად განხორციელებული წინა პროგრამები განიხილეს და მომავალ თანამშრომლობაზე შეთანხმდნენ.
ცნობისთვის, საქართველოს პროფესიული კავშირების გაერთიანების, ავსტრიის განვითარების სააგენტოს, ფრიდრიხ ებერტის ფონდისა და ავსტრიის პროფკავშირების ფედერაციის ერთობლივი პროექტის ფარგლებში, ავსტრიული პროფკავშირული სკოლების მეშვეობით უკვე გადამზადდა სხვადასხვა სფეროში და სექტორებში დასაქმებული 300 ზე მეტი ადამიანი. სკოლის მიზანი აქტივისტების ცოდნისა და ცნობირების ამაღლება და ქვეყნის დემოკრატიულ განვითარებაში ამ გზით წვლილის შეტანაა.
