პროფკავშირების პან ევროპულმა რეგიონულმა საბჭომ ხელმძღვანელი კომიტეტის შეხვედრა გამართა. პანდემია, მისი გავლენები ევროპაზე, უმუშევრობის გაზრდილი მაჩვენებლები და რყევები პრაქტიკულად ყველა ქვეყნის ეკონომიკაში, გამოწვევები და აუცილებელი ზომები შენებისთვის – ეს ის ძირითადი საკითხებია, რაზეც ევროპის დასაქმებულთა უმსხვილესი გაერთიანებების წარმომადგენლები მსჯელობდნენ. შეხვედრას ირაკლი პეტრიაშვილი ხელმძღვანელობდა, საქართველოს პროფკავშირების გაერთიანების თავმჯდომარე და ევროპის პროფკავშირების არჩეული პრეზიდენტი. საუბარი შეეხო ახლად წამოჭრილ საკითხებს, მათ შორის ახალგაზრდების და სტუდენტების დასაქმებას, რაც პანდემიის პერიოდში განსაკუთრებით გართულდა რესტორნების, ტურიზმის, მომსახურების დასაქმების სხვა სფეროების პარალიზების გამო. განსახილველ საკითხებს შორის იყო სოლიდარობის და მხარდაჭერის პროექტები და გეგმები, რაც აუცილებელია შექმნილი მდგომარეობის შესამსუბუქებლად.