პროფკავშირები დასაქმებულთა ცნობიერების ამაღლების კამპანიას აგრძელებს

პროფკავშირები დასაქმებულთა ცნობიერების ამაღლების მიზნით,  სემინარებსა და ტრენინგებს აგრძელებს. ამჯერად, ორდღიანი სემინარი თემაზე: „შრომითი ურთიერთობების გენდერული ასპექტები“  ჩატარდა:

  • მედიცინის, ფარმაციისა და სოციალური დაცვის;
  • აგრარულ მეურნეობაში, ვაჭრობასა და მრეწველობაში დასაქმებულთა პროფესიული კავშირის;
  • საჯარო მოსამსახურეთა პროფესიული კავშირის;
  • აფხაზეთის;
  • ხელოვნების, მასმედიის, კულტ-საგანმანათლებლო დაწესებულებების, სპორტის და ტურიზმის;
  • კავშირგაბმულობის;
  • საქართველოს პროფესიული კავშირების გაერთიანების;
  • თბილისის მეტროპოლიტენის მუშაკთა პროფესიული კავშირის მუშაკთა პროფესიული კავშირის პირველად პროფკავშირულ ორგანიზაციებში დასაქმებულებისთვის.

სემინარს პროფკაშირების გაერთიანების თავმჯდომარის მოადგილე – რაისა ლიპარტელიანი; ამერიკის სოლიდარობის ცენტრის პროგრამის ოფიცერი – ნათია გველესიანი;  გაერთიანების იურისტი – სერგო მახარაძე და საორგანიზაციო დეპარტამენტის სპეციალისტი – ია შერაზადიშვილი გაუძღვნენ.

შეხვედრაზე განიხილეს:

  • შრომითი კანონმდებლობა, უახლესი ცვლილებები;
  • წინასახელშეკრულებო ეტაპზე დისკრიმინაცია, მტკიცების ტვირთი, გონივრული მისადაგება;
  • ქალთა დამატებითი შრომითი გარანტიები შრომის კოდექსის მიხედვით, აღსრულების მექანიზმები;
  • სექსიზმი და მისი გამოვლენის ფორმები შრომით ურთიერთობებში;
  • უფლების დაცვის მექანიზმები.

სემინარი  ამერიკის სოლიდარობის ცენტრის მხარდაჭერითა და საქართველოს პროფესიული კავშირების გაერთიანების ორგანიზებით ჩატარდა.