საქართველოს სამთო, მეტალურგიულ და ქიმიურ მრეწველობაში დასაქმებულთა პროფკავშირის თავმჯდომარე და მისი მოადგილე ნორვეგიის ელჩის მოადგილეს შეხვდნენ. აღსანიშნავია, რომ ნორვეგიის საელჩო რომელიც საქართველოს და აზერბაიჯანს ფარავს ბაქოშია დისლოცირებული და ელჩის მოადგილე საქართველოში ყოველთვიური ვიზიტის ფარგლებში ქვეყანაში მიმდინარე მნიშვნელოვანი მოვლენების და ინსტიტუტების მუშაობის შესახებ ინფორმაციის შესაგროვებლად იმყოფება. დიპლომატი დაინტერესდა პროფკავშირის საქმიანობითა, გამოწვევებით და სამმხრივი დიალოგის მიმდინარეობის ხარისხით. თამაზ დოლაბერიძემ ვეგარდ სტენსრუდს მიაწოდა ვრცელი ინფორმაცია ქსნის მინის ტარის ქარხნის, რუსთავის აზოტის, ჭიათურის მაღაროების, ზესტაფონის ფეროს, მეტალურგიული ქარხნების და ტყიბულის შახტების პირველად ორგანიზაციებში არსებული მდგომარეობის, ასევე კაზრეთში დამსაქმებლის მხრიდან პროფკავშირული ნიშნით განხორციელებული დევნის შესხებ. საუბარი შეეხო სოციალური პარტნიორობის, სოციალური დიალოგისა და მედიაციის პროცესების დაბალ ხარისხს საქართველოში და განვითარების მნიშვნელობას. ასევე შეხვედრაზე განიხილეს საქართველოში სამუშაო ადგილზე გარდაცვლილთა და დაშავებულთა სავალალო მზარდი სტატისტიკა, პროფკავშირმა ხაზი გაუსვა ეფექტიური შრომის ინსპექციის შექმნის აუცილებლობას. დიპლომატი დაინტერესდა ვიზალიბერალიზაციის და ევროკავშირთან ასოცირების პროცესში, უცხოელი და კერძოდ ნორვეგიელი ინვესტორების დამოკიდებულებით ქართული შრომის ბაზრის და შრომით ურთიერთობებში მათი ქმედებებით. ასევე ნორვეგიულ პროფკავშირ “ინდასტრი ენერჯი”-ს მხარდაჭერით განხორციელებული პროექტის მიმდინარეობით და მას მიეწოდა სრულყოფილი ინფორმაცია პროექტის შედეგებთან დაკავშირებით.
მიმდინარეობს საიტის განახლება
- იქნება სოლიდარობა - ყველაფერი გამოვა.
- ერთად ერთმანეთისთვის - პროფკავშირი გვაძლიერებს! ღირსეული შრომითი პირობები ყველას!
- არა - ძალადობას სამუშაო ადგილზე! არა-სამსახურიდან უკანონოდ გათავისუფლებას!