თბილისის საკრებულოში ადამიანის უფლებათა დაცვისა და სამოქალაქო ინტეგრაციის კომისიასა და საქართველოს პროფესიული კავშირების გაერთიანებას შორის თანამშრომლობის მემორანდუმი გაფორმდა.
დოკუმენტის თანახმად მხრეები იღებენ ვალდებულებას ხელი შეუწყონ შრომითი ურთიერთობების სფეროში, ადამიანის უფლებების დაცვას, შრომის კანონმდებლობით განსაზღვრული ეროვნული და საერთაშორისო ნორმების შესრულებას და სოციალური დიალოგის კულტურის დამკვიდრებას. პროფკავშირები და საკრებულო დაეხმარება ერთმანეთს ექსპერტული ცოდნის და გამოცდილების გაზიარებით. ასევე განსაკუთრებით შეუწყობენ ხელს ქვეყნის მიერ იმ რეფორმების გატარებას, რომელიც განსაზღვრულია ევროკავშირთან ასოცირების შეთანხმებით და ეხება ადამიანის შრომით უფლებების ეფექტურ იმპლემენტაციას. შეთანხმების თანახმად საკრებულო და პროფესიული კავშირების გაერთიანება თბილისის ტერიტორიაზე შრომით ურთიერთობებში დარღვევების შესახებ ინფორმაციას რეგულარულად გაცვლიან და მაქსიმალურ ზომებს მიიღებენ რათა თავიდან აიცილონ უბედური შემთხვევები, ასევე ხელი შეუწყონ უკვე დაზარალებული პირების უფლებათა დაცვას. ერთობლივად შემუშავდება საკანონმდებლო ინიციატივები შრომის კანონმდებლობის დახვეწის მიზნით, მათ შორის: ქალთა შრომითი უფლებების, ახალგაზრდების დასაქმების, შრომის უსაფრთხოების და სხვადასხვა მიმართულებებით. 
