ირაკლი პეტრიაშვილი საქართველოს პროფკავშირების გაერთიანების თავმჯდომარედ 4 წლის ვადით აირჩიეს. პროფკავშირების მე13 საარჩევნო საანგარიშო ყრილობა 14 სექტემბერს გაიმართა. ასევე აღინიშნა საქართველოში პროფკავშული მოძრაობის 110 წლის იუბილე, ასევე საქართველოს პროფკავშირების დაარსებიდან 25 წლის იუბილე. ღინისძიებას მსოფლიოს სხვადასხვა ქვეყნებიდან 40 პროფკავშირული ლიდერი ესწრებოდა, მათ შორის პროფკავშირების საერთაშორისო კონფედერაციის გენერალური მდივანი შარონ ბაროუ, ასევე მოწვეული სტუმრები პარტნიორი ორგანიზაციებიდან.
კენჭისყრა სამ კანდიდატს შორის უნდა გამართულიყო. დავით ოქიტაშვილმა, რომელიც ბოლო სამი კვირა ორგანიზაციის დისკრედიტაციით იყო დაკავებული, კანდიდატურა ბოლო მომენტში მოხსნა. ამირან ზენაიშვილმა 62 ხმა დააგროვა, ირაკლი პეტრიაშვილმა 139.
პრიფკავშირების გაერთიანების თავმჯდომარის მოადგილეებად აირჩიეს ეთერ მათურელი, რაისა ლიპარტელიანი, თამაზ დოლაბერიძე და ლავრენტი ალანია.
პროფკავშირების წარმომადგენლებს სიტყვით მიმართა საერთაშორისო პროფკავშირების კონფედერაციის ლიდერმა შარონ ბაროუმ, მან ირაკლი პეტრიაშვილს გამარჯვება მიულოცა და საქართველოს პროფკავშირულ მოძრაობას მხარდაჭერა გამოუცხადა. შარონ ბაროუს განცხადებით საქართველოს პროფკავშირებმა მნიშვნელოვანი ტესტი ჩააბარა. 
