20–21 სექტემბერს, საქართველოს პროფესიული კავშირების გაერთიანების ორგანიზებითა და ამერიკის სოლიდარობის ცენტრის მხარდაჭერით, ჩატარდა ორდღიანი სემინარი თემაზე: შრომითი უფლებები, დისკრიმინაციის აკრძალვა და აღსრულების მექანიზმები
სემინარის მომხსენებლებმა აფხაზეთის პროფესიული კავშირების გართიანების წევრებთან და პროფ. აქტივისტებთან განიხილეს ისეთი მნიშვნელოვანი საკითხები, როგორიცაა:
- შრომითი კანონმდებლობა და უახლესი ცვლილებები (არსებითი პირობები – ხელშეკრულების ფორმა, ვადა, სამუშაო ადგილი, შესასრულებელი სამუშაო და აშ);
- წინასახელშეკრულებო ეტაპზე დისკრიმინაცია, მტკიცების ტვირთი, გონივრული მისადაგება;
- ქალთა დამატებითი შრომითი გარანტიები შრომის კოდექსის მიხედვით;
- საავადმყოფო ფურცლით სარგებლობა;
- დისკრიმინაციისა და შევიწროების მნიშვნელობა;
- სამუშაო საათების ნორმის დაცვის აუცილებლობა;
- ზეგანაკვეთურად და შეთავსებით ნამუშევარი საათების ანაზღაურება;
- ყოველწლიური კუთვნილი შვებულებით სარგებლობა;
- გამოსაცდელი ვადის მვნიშვნელობა;
- შრომითი ურთიერთობის შეწყვეტის საფუძვლები;
- უფლების დაცვის მექანიზმები და ა.შ
სემინარს უძღვებოდნენ: პროფესიული კავშირების გაერთიანების თავმჯდომარის მოვალეობის შემსრულებელი თამარ ვეფხვაძე, საქართველოს პროფესიული კავშირების გაერთიანების იურისტები: სერგო მახარაძე და გაგი მელიქიძე.
ტრენინგმა კითხვა-პასუხის რეჟიმში, საინტერესოდ ჩაიარა.
