პროფკავშირების საერთაშორისო კონფედერაციის (ITUC) და ეკონომიკური თანამშრომლობის და განვითარების ორგანიზაციის (OECD) პროფკავშირების საკონსულტაციო კომიტეტის (TUAC) G20-ს  ლიდერებისთვის COVID-19 –თან დაკავშირებით გაგზავნილ წერილში  პროფკავშირები, რომლებიც, როგორც დიდი ოცეულის ქვეყნების,ისე მთელი მსოფლიოს დასაქმებულებს წარმოადგენენ, G20-ს  ლიდერებს კოორდინირებული მოქმედებისკენ მოუწოდებენ. COVID-19–ის პანდემიისადმი ინკლუზიურმა რეაგირებამ უნდა დაიცვას  მოსახლეობის ჯანმრთელობა, და მასთან ერთად ყველა დასაქმებული ადამიანის შემოსავალი და სამუშაო ადგილი, როგორც ბიზნესისა და რეალური ეკონომიკის სტაბილურობისთვის გადამწყვეტი ფაქტორი.

 

პროფკავშირების მიმართვა G20-ს სახელმწიფო მეთაურების შეხვედრისადმი COVID-19 –თან დაკავშირებით

ძვირფასო G20-ს  ლიდერებო,

მადლობას გიხდით თქვენ, ვინც გადამწყვეტი მოქმედებებით სასიცოცხლოდ მნიშველოვანი მხარდაჭერა უზრუნველყავით ჯანდაცვის სისტემისა და თქვენს ქვეყნებში  იმ დასაქმებულთა ჯანმრთელობისთვის, რომლებიც წინა ხაზზე დგანან. ახლა გვთხოვთ, იმოქმედოთ ერთად, რომ გააფართოვოთ ეს კოორდინაცია სხვა მოწყვლად ქვეყნებთან სწრაფი პარტნიორობით.

ასევე, ვაფასებთ თითოეული თქვენთგანის მიერ განხორციელებულ ქმედებებს, რომლებიც გაატარეთ დასაქმებულებისთვის და ვთხოვთ ყველა თქვენგანს კვლავ უზრუნველყოთ დასაქმებულთა ასეთი მხარდაჭერა. მიუხედავად მათი დასაქმების ადგილისა  და შრომითი ურთიერთობის უშტატო თანამშრომლებს, პლატფორმის ეკონომიკაში დასაქმებულებებს, მიგრანტებს, თვითდასაქმებულებსა და არაფორმალურ დასაქმებულებს  – ამ ეტაპზე დაცვა ყველას სჭირდება.  რეალურ ეკონომიკას კი სჭირდება, რომ დასაქმებულ ოჯახებს ჰქონდეთ გადასახადების დაფარვისა და სასიცოცხლო პროდუქტებისა და მომსახურების შესყიდვის შესაძლებლობა. ამ ზომების მიღებაუნდა მოხდეს სოციალური პარტნიორების მონაწილეობით, სოციალური დიალოგის გზით, რათა დასაქმებულთა მხარდასაჭერად და მათი უფლებების დასაცავად,  მიღწეული იქნას მაქსიმალური ეფექტი:

• ანაზღაურებადი ბიულეტენი პირველივე დღიდან;
• ხელფასის/ შემოსავლის დაცვა;
• საჭიროების შემთხვევაში, მთავრობის მხარდაჭერით სამუშაო საათების შემცირება, იმისათვის, რომ უზრუნველსაყოფილი იყოს მაქსიმალური უსაფრთხოება ;
• ქირის, იპოთეკური და სამომხარებლო სესხის შემსუბუქება;
• საყოველთაო სოციალური დაცვა და უფასო ჯანდაცვისადმი წვდომა;
• ბავშვებზე ზრუნვის მხარდაჭერა წინა ხაზზე დასაქმებულთათვის – ჯანდაცვის, სუპერმარკეტების, სააფთიაქო და სხვა სასიცოცხლო სფეროებში.

ვხედავთ, რომ ბიზნესსაც შეიძლება ასევე სჭირდებოდეს მხარდაჭერა, მაგრამ  მთავრობას ვურჩევთ, რომ უპირატესობა მიანიჭოს მცირე და საშუალო საწარმოებს (მცირე და საშუალო ბიზნესს)  და ასევე, მოთხოვოს ყველა ბიზნესს, რომელიც ამ დახმარებას მიიღებს, რომ მათ შეინარჩუნონ  სამუშაო ადგილები და დააკმაყოფილონ ზემოთ ჩამოთვლილ დასაქმებულთა მხარდაჭერის ძირეული მოთხოვნები. არც ერთ კომპანიას არ უნდა ჰქონდეს უფლება  მიიღოს მთავრობის მხარდაჭერა, და ამის შემდეგ  გაათავისუფლოს დასაქმებულები ან აიძულოს ისინი გავიდნენ უხელფასო შვებულებაში;

მრავალეროვნულ საწარმოებთან (MNE) მიმართებით,  გთხოვთ, რომ იმ  საწარმოებს, რომელთაც სათაო ოფისები თქვენს ქვეყნებში აქვთ, მოთხოვოთ აიღონ პასუხისმგებლობა თავიანთი მიწოდების  ხელშეკრულებებისა და მიწოდების ქსელებში დასაქმებულთა მიმართ არსებული ვალდებულებების შესრულებაზე.

გარდა ამისა, განვითარებადი ეკონომიკებისთვის თქვენი ჰუმანიტარული დახმარება უპირველეს ყოვლისა, უნდა მოხმარდეს ჯანდაცვის სერვისებს ყველასთვის და ასევე, საყოველთაო სოციალური დაცვის ფონდების უზრუნველყოფას, მათ შორის უმუშევრობის შემოსავალს,/დახმარებას/ ბავშვთა დაცვას, დეკრეტულ შვებულებას, დედობის დაცვას და პენსიებს.  ახლა ადამიანთა გადარჩენა ყველაზე დიდი პრიორიტეტია.

ისევე, როგორც  გლობალურ ბიზნეს ორგანიზაციებთან, მათ შორის ვაჭრობის საერთაშორისო პალატასთან (ICC)  და დამსაქმებელთა საერთაშორისო ორგანიზაციასთან (IOE), გვინდა კიდევ ერთხელ გავამახვილოთ ყურადღება იმაზე, რომ უმნიშვნელოვანესია განხორციელდეს  გლობალური კოორდინაცია  მიწოდების მარშრუტების ფუნქციონირების შესანარჩუნებლად, განსაკუთრებით სამედიცინო პროდუქტების, საკვების და სხვა საჭირო პროდუქციისათვის.

გვინდა აღვნიშნოთ, რომ შეშფოთებულები ვართ COVID-19–თან დაკავშირებული აუცილებელი პროდუქციის ექსპორტის შეზღუდვების გაორმაგების გამო ბოლო ერთი კვირის განმავლობაში. ჩვენი წევრი ორგანიზაციები გვაწვდიან ინფორმაციას საზღვრების ჩაკეტვით  გამოწვეული შეფერხებების შესახებ სატრანსპორტო სფეროს მუშაკებისთვის. ეს პოტენციურად დამღუპველია გაჭირვებული ხალხისათვის,  ბიზნესისთვის და სასიცოცხლოდ მნიშვნელოვანი – დასაქმებულების ჯანმრთელობისა და უსაფრთხოებისთვის.

ჩვენ გვესმის, რომ შეიძლება არსებობდეს, ეროვნულ ინტერესებში ჩაკეტვის ცდუნება, თუმცა, სასურველადაც რომ მოსჩანდეს ეს, შიდა წარმოებით მიწოდების ქსელების გლობალურად ინტეგრირებული ბუნება ვერ  შეიცვლება, თუნდაც  მოვახერხოთ და მაქსიმალურად გავზარდოთ მსოფლიოს შანსები მინიმუმამდე შემცირდეს ვირუსით, რომელიც ასე იოლად კვეთს საზღვრებს, გამოწვეული ზიანი.

გარდა ამისა,  ვთხოვთ თქვენს ხელმძღვანელობას, მხარი დაუჭიროს გლობალურ, თანმიმდევრულ პოლიტიკას საერთაშორისო ინსტიტუტებთან, მათ შორის შრომის საერთაშორისო ორგანიზაციასთან (ILO), ეკონომიკური თანამშრომლობის და განვითარების ორგანიზაციასთან (OECD), მსოფლიო ბანკთან და, რა თქმა უნდა, ჯანდაცვის მსოფლიო ორგანიზაციასთან (WHO) პარტნიორობით. მათ შეუძლიათ დროულად და ადამიანზე ორიენტირებულ რეჟიმში განახორციელონ გლობალური საპასუხო ღონისძიებები და მომსახურებები, რომლებიც დახმარებისთვის საჭირო კრიტერიუმებს შეესაბამება.

თუმცა, საერთაშორისო სავალუტო ფონდს, ასევე ენიჭება უმნიშვნელოვანესი როლი. ყველა პირდაპირი ფინანსური მხარდაჭერა უნდა მოიცავდეს ზემოთ ჩამოთვლილ პრიორიტეტებს. მაგრამ ეს  ასევე არის შესაძლებლობა, რომ თქვენი მხარდაჭერით, ამ მიდგომით კოორდინირებულად იმოქმედონ  ცენტრალურმა ბანკებმა, რაც სასიცოცხლოდ მნიშვნელოვანია სტაბილურობის  მაქსიმალურად გასაზრდელად.  საერთო ჯამში, ეს კრიზისი, თავისი ეკონომიკური ზემოქმედებით, შეიძლება იყოს  გაცილებით უფრო დიდი, ვიდრე 2008/2009 წლების გლობალური ფინანსური კრიზისი. ასე რომ, დღეს ერთად მოქმედება უმნიშვნელოვანესია.

ამ მოკლევადიანი ღონისძიებების  და ინკლუზიური სტიმულის გარდა, რომელსაც თქვენ განახორციელებთ ადამიანების და ბიზნესის დასაცავად,  პროფკავშირები მზად არიან დახმარებისთვის, დამსაქმებლებსა და G20-თან სოციალური დიალოგის მეშვეობით, მომავალი  სასიცოცხლოდ მნიშვნელოვანი  აღდგენის პოლიტიკის შემუშავების საქმეში.

მხოლოდ ეფექტურმა გლობალურმა თანამშრომლობამ შეიძლება შეაკავოს COVID-19–ის პოტენციური ადამიანური და ეკონომიკური ზიანი,  მაგრამ ამას ყველა ჩვენგანის ერთად მუშაობა დასჭირდება.

საუკეთესო სურვილებით,

 

შარან ბაროუ

გენერალური მდივანი

პროფკავშირების საერთაშორისო კონფედერაცია (ITUC)

 

პიერ ჰაბარდი

გენერალური მდივანი

ეკონომიკური თანამშრომლობის და განვითარების ორგანიზაციის (OECD) პროფკავშირების საკონსულტაციო კომიტეტი (TUAC)