28 აპრილი – სამუშაო ადგილებზე გარდაცვლილთა და დაშავებულთა საერთაშორისო დღე  მსოფლიოს 100-ზე მეტ ქვეყანაში აღინიშნება, მათ შორის საქართველოშიც.

წელს, პროფკავშირებმა, გუდაურში, 2022 წლის 29 ივლისს, პარაპლანისტების დასახმარებლად მისული ვერტმფრენის ჩამოვარდნის შედეგად დაღუპული სასწრაფო სამედიცინო დახმარების პირველადი პროფკავშირის ექიმების მემორიალი გახსნეს, რითაც კიდევ ერთხელ მიაგეს პატივი სამსახურეობრივი მოვალეობის დროს დაღუპულთა სულებს.

ასევე, ღვთისმშობლის მიძინების ტაძარში გარდაცვლილთა სულის მოსახსენიებელი პარაკლისი გაიმართა.

საქართველოში ბოლო წლებში, პროფკავშირების გაერთიანების ინიციატივითა და აქტიური ჩართულობით შრომის უსაფრთხოების მდგომარეობის გაუმჯობესების მიზნით მნიშვნელოვანი ნაბიჯები გადაიდგა. ამოქმედდა კანონები ,,შრომის უსაფრთხოების“ და ,,შრომის ინსპექციის“ შესახებ. შრომის ინსპექციის სამსახური ცალკე საჯარო სამართლის იურიდიულ პირად ჩამოყალიდა გაზრდილი მანდატით, რაც ეკონომიკის ყველა სექტორში შრომის სტანდარტებზე ზედამხადეველობას გულისხმობს. შეიქმნა შრომის ინსპექციის სამსახურის საკონსულტაციო ორგანო – მრჩეველთა საბჭო და ა.შ, თუმცა, გამოწვევები კვლავ ბევრია.

პროფკავშირები შრომის უსაფრთხოების მდგომარეობის გაუმჯობესების მიზნით მუშაობას  აქტიურად აგრძელებს.

–