29-30 აგვისტოს, საქართველოს პროფესიული კავშირების გაერთიანების ორგანიზებითა და ამერიკის სოლიდარობის ცენტრის მხარდაჭერით, დაბა ბაკურიანში /სასტუმრო „ვილა პალასი“/, ჩატარდა ორდღიანი სემინარი თემაზე: „შრომითი ურთიერთობების გენდერული ასპექტები“. 

სემინარის მომხსენებლებმა, საქართველოს მედიცინის, ფარმაციისა და სოციალური დაცვის მუშაკთა პროფესიული კავშირის პირველად პროფკავშირულ ორგანიზაციებში დასაქმებულებთან განიხილეს ისეთი საინტერესო და მნიშვნელოვანი საკითხები, როგორიცაა:

• შრომითი კანონმდებლობა და უახლესი ცვლილებები;
• წინასახელშეკრულებო ეტაპზე დისკრიმინაცია, მტკიცების ტვირთი, გონივრული მისადაგება;
• ქალთა დამატებითი შრომითი გარანტიები შრომის კოდექსის მიხედვით;
• უფლების დაცვის მექანიზმები;
• საავადმყოფო ფურცლით სარგებლობა;
• სამუშაო ადგილზე უსაფრთხო გარემო;
• დისკრიმინაციისა და შევიწროების მნიშვნელობა;
• სამუშაო საათების ნორმის დაცვის აუცილებლობა;
• ზეგანაკვეთურად ნამუშევარი საათების ანაზღაურება;
• ყოველწლიური კუთვნილი შვებულებით სარგებლობა;
• უქმე და დასვენების დღეებში ნამუშევარი საათების ანაზღაურება და ა.შ

სემინარს უძღვებოდნენ: საქართველოს პროფესიული კავშირების გაერთიანების იურისტები: სერგო მახარაძე და გაგი მელიქიძე; საორგანიზაციო დეპარტამენტის სპეციალისტი –  ია შერაზადიშვილი.

ტრენინგმა კითხვა-პასუხის რეჟიმში, საინტერესოდ ჩაიარა.