2020 წელს პროფკავშირების საერთაშორისო კონფედერაციის გენერალური ასამბლეა თბილისში გაიმართება

✔ 2020 წელს პროფკავშირების საერთაშორისო კონფედერაციის გენერალური ასამბლეა თბილისში გაიმართება. ✔ გადაწყვეტილება რამდენიმე წუთის წინ ბრიუსელში პროფკავშირების საერთაშორისო კონფედერაციის (ITUC-ის) გენერალური საბჭოს სხდომაზე მიიღეს. კანდიდატებს შორის იყვნენ და ჩვენს დედაქალაქს კონკურენციას უწევდნენ ისეთი მეგაპოლისები, როგორიცაა სინგაპური, მელბურნი, ტოკიო, სან-პაულო და რომი. ▪აღსანიშნავია, რომ არა მარტო საქართველოს დედაქალაქს, არამედ არცერთ პატარა ქვეყანას არასდროს ჰქონია პატივი ემასპინძლა ისეთი მნიშვნელობისა და მასშტაბის ღონისძიებისთვის, როგორიც მსოფლიო პროფკავშირების მთავარი მმართველი ორგანოს – გენერალური საბჭოს სხდომაა. ✔გენერალურ ასამბლეაში მონაწილეობის მისაღებად თბილისს მსოფლიოს 120 ქვეყნის წარმომადგენელი და პირველი პირი ეწვევა და გლობალური მნიშვნელობის სოციალურ და ეკონომიკურ საკითხებზე გადაწყვეტილებებს მიიღებს. ▪აღსანიშნავია, საქართველოს პროფკავშირების გაერთიანების თავმჯდომარის – ირაკლი პეტრიაშვილის წვლილი გადაწყვეტილების ჩვენი ქვეყნის სასარგებლოდ მიღებაში, რაც თავის მხრივ საქართველოს პროფკავშირების აღიარება და ამასთანავე დიდი პატივია. ▪პროფკავშირების საერთაშორისო კონფედერაციის (ITUC-ის) გენერალური საბჭოს სხდომა ბრიუსელში დღესაც გრძელდება. ირაკლი პეტრიაშვილი პროფკავშირების საერთაშორისო კონფედერაციის ვიცე პრეზიდენტია და შეხვედრაში ამ სტატუსით მონაწილეობს. მსჯელობის მთავარია საკითხია მშრომელთა ძალის გაძლიერება.

Posted by GTUC • საქართველოს პროფკავშირების გაერთიანება on ხუთშაბათი, 17 ოქტომბერი, 2019