2.06.11. საქართველოს პროფესიული კავშირების გაერთიანებისა და ფრიდრიხ ებერტის ფონდის მხარდაჭერით დაიწყო ახალგაზრდული პროექტი ,,ხელმისაწვდომი დაზღვევა სტუდენტებისათვის”. პროექტის ფარგლებში დაგეგმილია:

სტუდენტებისთვის ექსპერტების მონაწილეობით მრგვალი მაგიდებისა და ვორქშოპების ჩატარება მათთვის აქტუალურ საკითხებზე, ასევე სტუდენტებისთვის საკონონმდებლო ინიციატივის გაცნობა.
განსაკუთრებით აქტიური ახალგაზრდები, პროექტის ექსპერტებთან ერთად იმუშავებენ ახალ საკანონმდებლო ინიციატივაზე.
სტუდენტები ჩაერთვებიან კანონპროექტის მხრადასაჭერ სხვადასხვა აქტივობებში. ისინი ისწავლიან კამპანიების დაგეგმვას და ჩატარებას, მედიასთან ურთიერთობას. კამპანიის ფარგლებში დაიბეჭდება სპეციალური ბუკლეტები, რომლის მეშვეობით მეტი სტუდენტი გაიგებს საკანონმდებლო ინიციატივის შესახებ.
პროექტის ბოლო ეტაპზე საკანონმდებლო ინიციატივის პარლამენტში   წარსადგენად დაგეგმილია 30 000 ხელმოწერის შეგროვება. (ეს იქნება უპრეცედენტო შემთხვევა, როდესაც საქართველოში სტუდენტები გამოვლენ კონკრეტული საკანონმდებლო ინიციატივით, მონაწილეობას მიიღებენ საკომიტეტო განხილვებში, მოაწყობენ პრეს-კონფერენციებს და კამპანიებს ინიციატივის მხარდასაჭერად)
შემაჯამებელ კონფერენციაზე, მოხდება საკანონმდებლო ინიციატივის პრეზენტაცია.
სტუდენტებს საშუალება ექნებათ პარლამენტში დაესწრონ კანონპროექტის განხილვებს საკომიტეტო მოსმენებზე, დარეგისტრირდნენ ლობისტებათ და აქტიურად მიიღონ მონაწილეობა დებატებში.