პროფკავშირის მოთხოვნით, ელმავლებში კონდიციონერების დამოტაჟება დაიწყეს

11 / 07 / 2013

სასიხარულო ამბავი შევიტყვეთ “რკინიგზელთა ახალი პროფესიული კავშირისგან“. პროფკაშირის აქტიური წევრი, მემანქანე ილია ლეჟავა გვატყობინებს, რომ როგორც იქნა შედეგი გამოიღო მათი ორგანიზაციის ბრძოლამ და ს.ს. “საქართველოს რკინიგზამ“ დაიწყო ელმავლებში კონდიცირებული ჰაერის გაგრილების აპარატების (კონდიციონერების) დამოტაჟება.

გაგრილების სისტემის არქონა წლების მანძილზე დიდ პრობლემას წარმოადგენდა მემანქანეებისათვის. ზაფხულის პეროდში მემანქანეებს გაუსაძლის სიცხეში უწევდათ მუშაობა და “რკინიგზელთა ახალი პროფესიული კავშირის“ მიერ მოპოვებული ეს წარმატება რა თქმა უნდა სასიხარულოა. იმედია კიდევ ბევრი მსგავსი წარმატებების მომსწრენი გავხდებით!

ახალი ამბები