მრავალშვილიანი ოჯახის სტატუსის განსაზღვრის მოთხოვნით, საქართველოს პროფესიული კავშირების გაერთიანების ცენტრალურ ოფისში,  შეხვედრა გაიამართა.

 

შეხვედრა  საქართველოს პროფკავშირების გაერთიანების ქალთა კომიტეტი და მრავალშვილიანიდედების ორგანიზაცია “გენიქართული”ს ორგანიზებით გაიამრთა, რომელიც საქართველოში მრავალშვილიანი ოჯახებისრიცხვის მატებასა და საზოგადოებრივი აზრის ამკუთხით ფორმირებას ემსახურება, რითაც დემოგრაფიული პრობლემის გადაჭრას უწყობს ხელს.

შეხვედრაში მონაწილეობა  მიიღეეს მრავალშვილიანმა მშობლებმა. პროფკავშირებმა მრავალშვილიანი მშობლის სტატუსის განსაზღვრისა და სამოქალაქო კოდექსში შესაბამისი ცვლილებების შეტანის შესახებ წინადადება ჯერ კიდევ გასული წლის მარტში მოამზადა და გადაუგზავნა საქართველოს პარლამენტს, თუმცა საკანონმდებლო ორგანოს მისი განხილვა ამ დრომდე არ დაუწყია. პროფკავშირების ქალთა კომიტეტი ინიციატივას პარლმაენტში ხელახლა გადაგზავნის.

ორგანიზაცია „გენი ქართულსა“ და საქართველოს პროფკავშირების ქალთა კომიტეტს შორის გაფორმდა ურთიერთთანამშრომლობის მემორანდუმი.

 

საქართველოს პროფესიული კავშირების გაერთიანების ქალთა კომიტეტის სახელით შეკრებილ საზოგადოებას ეთერ მათურელმა მიმართა.  გთავაზობთ განცხადებას უცვლელად:

“საქართველოს  პროფესიული კავშირების გაერთიანების ქალთა კომიტეტი ქვეყანაში არსებულ მძიმე დემოგრაფიული  მდგომარეობიდან გამომდინარე საკანონმდებლო და აღმასრულებელ ხელისუფლებას მიმართავს:

– იმისათვის, რომ ქვეყანაში შემცირდეს მოსახლეობის ყოველწლიური კლება;

– იმისათვის, რომ ქვეყანაში წახალისდეს დედობა;

– იმისათვის, რომ დედამ, ქალმა, შეძლოს თავისი შვილის სრულფასოვნად გაზრდა და ღირსეული ქვეყნის ღირსეულ მოქალაქედ ჩამოყალიბება;

– იმისათვის, რომ შემცირდეს სოციალურად დაუცველ ოჯახთა რაოდენობა;

-იმისათვის,  რომ ყველა შრომისუნარიან ქალმა შეძლოს თავისი უნარ-ჩვევების პროფესიული რეალიზება;

სახელმწიფომ დროულად უნდა გადადგას შემდეგი ნაბიჯები:

1. საქართელოს შრომის კოდექსში შევიდეს დაპირებული ცვლილებები ქალთა შრომითი უფლებების შემდგომ გაუმჯობესების საკითხებზე;
2. განისაზღვროს მრავალშვილიანი მშობლის სტატუსი;
3. მარტოხელა მშობლის სტატუსს მინიჭებულ მშობელთათვის დროულად განისაზღვროს, დაგვიანებული სოციალური და სამართლებრივი დაცვის გარანტიები;
4. მოხდეს შსო-ს 183-ე კონვენციის ‘’დედობის დაცვის’’  შესასხებ რატიფიცირება;
5. 2017 წლის მდგომარეობით, ფიქსირებული ინფლაციის დონის გათვალისწინებით, გადაიხედოს ორსულობის, მშობიარობის და ბავშვის მოვლის, ასევე ახალშობილის შვილად აყვანის გამო შვებულების ანაზღაურების წესი; “